Pieter Kokkewieter en die Hart op sy Mou | BRAILLE
Murray & Me
Regular price R 120.00
ISBN 978-0-620-75331-9
Pieter Kokkewieter en die Hart op sy Mou is die eerste prenteboek in Murray & Me se reeks oor idiome. Hierdie Braille weergawe van die oorspronklike boek - geskryf deur Milan Murray en ge-illustreer deur Marisa du Toit – is ideaal vir blinde en swaksiende kinders wat onverkorte braille begin leer.
Die illustrasies is pittig beskryf sodat die leser vir hom/haarself in Pieter se wêreld kan inleef.
Die storie is gemik op 5 tot 9 jariges en gebruik die idioom ‘hart op die mou dra’ om die jong leser te help om die brug van konkrete na abstrakte denke oor te steek.
Pieter Kokkewieter dra sy hart trots aan sy buitekant. Almal weet hoe hy voel. Maar op ‘n dag kry hy teëspoed en moet hy besluit of hy sy hart vir ewig in sy bors gaan toesluit.
“Nee wat, dink Pieter, wie wil nou met sy hart in sy skoen loop? Dan loop ek liewer met myne trots op my mou.
En, vir die eerste keer in weke, het ‘n groot glimlag oor Pieter se gesig versprei. So groot dat hy dit weer agter sy ore moes inhaak.
